Deur die maak van ‘n prentjie leer ons kleuters om om ‘n opdrag korrek uit te voer, potloodgreep ontwikkel, 

inkleurvaardighede ontwikkel, verftegnieke

word aangeleer, 

selfvertroue groei, 

waagmoed word meer en hulle het baie pret!

Indien kleuters geleentheid kry om met die regte speelgoed te speel, word hul so speel-speel al hoe slimmer.

Veral in vandag se tyd waar kinders al hoe minder buite speel, is hierdie aspek so belangrik. Huppel, kruip, touspring, eenbeentjie spring, bo-oor toue spring, met balle speel, ballanseer speletjies, aan hangringe hang, agteruit loop, op en af klim van klimrame, skopfietsie ry, hardloop, sakspring en vele meer.

Die vinger-en handspiertjies moet geoefen word om sterk te kan word. Kleispeel, inkleur, pennetjies borde, rekkie borde, lego blokkies ens., help alles hiervoor.

Die tegnologie is alles ingestel op visuele inligting. Dit is so belangrik dat kinders hul ouditiewe vaardighede moet ontwikkel sodat hul LUISTER as daar ‘n opdrag in die grootskool gegee word.

Elke kind maak inligting deur sy 5 sintuie bymekaar. Deur die kinders bloot te stel aan verskeie mediums soos growwe klei, sand, selfs gaar spagetti, ontwikkel ons die tassisteem. Ons ontwikkel ons vestibulêre sisteem deur bollemakiesies en swaaie. Al hierdie, en verskeie ander aktiwiteite, leer die brein om sensoriese inligting wat hy ontvang, korrek te integreer en te verwerk.

Rolspel en ander verbeeldingspeletjies is ouderdomsgepas. Dit ontwikkel sosiale vaardighede en kreatiwiteit.

Beplannig, fynmotoriese ontwikkeling, kreatiwiteit, drie-dimensionele insig, verbeelding, sosiale vaardighede word onder andere ontwikkleing terwyl hul heerlik bou!

Analise en sintese, beplanning, sortering, twee-dimensionele insig, aandag en konsentrasie, taakvoltooiing is alles aspekte wat aandag geniet terwyl hul legkaarte bou.

Dit is bekend daarvoor dat water ‘n kalmerende effek het, dit is seker waarom die kleuters dit so baie geniet om in die water te speel. Verskeie wiskundige begrippe word ook self ontdek terwyl hul speel.

Luistervaardighede, fynmotories, beplanning, sosiale vaardighede, kreatiwiteit word hierdeur ontwikkel. Om self iets te maak wat ek mag opeet is ‘n heerlike bederf!